About Our Company
Treasure Star Gems & Jewellery သည် 1993 ခုနှစ် မှ စတင်၍ Moe Jewellery အမည်ဖြင့် Jewel Palace နှင့် FMI Shopping Centre တို့တွင် ဖွင့်လှစ်ရောင်းချပြီး၊ 1998 ခုနှစ်တွင် Treasure Star Gems & Jewellery Co., Ltd. ကိုစတင်တည်ထောင်ပြီး မြန်မာနိုင်ငံသားပိုင်သော လုပ်ငန်းတခုဖြစ်ပါသည်။ ကုမ္ပဏီတည်ထောင်ခြင်း၏ ရည်ရွယ်ချက်မှာ အရည်အသွေးပြည့်ဝကောင်းမွန်သော ကျောက်မျက်ရတနာများအား ပြည်တွင်းပြည်ပ ရှိဝယ်သူများ ဝယ်ယူလိုပါက ဝန်ဆောင်မှုပေးနိုင်ရန် ရည်ရွယ်ပါသည်။ Treasure Star ကုမ္ပဏီသည် ကျောက်မျက်ရတနာများကို ရောင်းချရုံသာမက၊ ခေတ်မှီလှပသော ဒီဇိုင်းလက်ရာများကို လက်လီ၊ လက်ကားဈေးကွက်တွင် ထုတ်လုပ် ဖြန့်ချီရောင်းချနေသော ကုမ္ပဏီတခုအဖြစ်လည်း နာမည်ကျော်ကြား လူသိများပါသည်။
ယနေ့ခေတ် Treasure Star ကုမ္ပဏီသည် အရည်အချင်းပြည့်ဝ၍ ကျွမ်းကျင်သော စက်မှုလက်မှု ပညာရှင်များသာမက၊ ပရော်ဖက်ရှင်နယ် ဝန်ထမ်းများ၊ စည်းစနစ်ကျသော အုပ်ချုပ်မှုစနစ်များဖြင့် ကုမ္ပဏီ၏ ရည်ရွယ်ချက်၊ ရည်မှန်းချက်များ ပြည့်ဝစေရန် ကြိုးစားအကောင်အထည်ဖော်လျှက်ရှိပါသည်။ လုံခြုံစိတ်ချပြီး စည်းစနစ်ကျသော ဌာနများလက်အောက်တွင် အရည်အသွေးမှီ လက်ဝတ်ရတနာများအား ခေတ်မှီဆန်းပြားသောစက်များ၊နည်းလမ်းများနှင့်တီထွင်ဆန်းသစ်မှုများအားသေချာစွာလုပ်ဆောင်လျှက်ရှိပါသည်။
Treasure Star Gems & Jewellery Co.,Ltd သည် လက်ဝတ်ရတနာများနှင့် ဝန်ဆောင်မှုများကို ဝယ်သူများအတွက် သာလွန်ကောင်းမွန်သော စံတခုထား၍ အပြန်အလှန်အကျိုးသက်ရောက်မှုရှိစေရန် ကြိုးစားလုပ်ဆောင်လျှက်ရှိပါသည်။