CloudCityFood တွင် တာဝန်ထမ်းဆောင်ရန် Merchant Acquisition Executive (ဆိုင်ချိတ်ဆက်ရေး တာဝန်ခံ) အလိုရှိသည်။
မန္တလေးမြို့ရဲ့ အမြန်ဆန်ဆုံး Delivery Network ဖြစ်တဲ့ CloudCity Food မှာ အဖွဲ့သားအသစ်တွေကို ဖိတ်ခေါ်နေပါတယ်။ သင့်အနေနဲ့ စားသောက်ဆိုင်သစ်တွေ ရှာဖွေချိတ်ဆက်ပေးခြင်း၊ App ပေါ်တင်ပေးခြင်းနဲ့ ဆိုင်ရှင်တွေနဲ့ အမြဲနီးကပ်စွာ ဆက်သွယ်ပေးရမယ့် တာဝန်ကို ယူရမှာဖြစ်ပါတယ်။
(အဓိက တာဝန်များ)
🔸 CloudCity Food နဲ့ လက်တွဲဖို့ သင့်တော်မယ့် စားသောက်ဆိုင်၊ ကော်ဖီဆိုင်၊ ဘတ်ဘယ်တီး (Bubble Tea) ဆိုင်နဲ့ မုန့်ဆိုင်များကို ရှာဖွေရပါမယ်။
🔸 ဆိုင်တွေဆီ ကိုယ်တိုင်သွားရောက်ပြီး CloudCity Food ရဲ့ Partnership အစီအစဉ်တွေကို မိတ်ဆက်ရှင်းပြရပါမယ်。
🔸 Platform ရဲ့ အားသာချက်တွေ၊ Delivery ပို့ဆောင်မှုစနစ်၊ ငွေပေးချေမှုပုံစံနဲ့ ပရိုမိုးရှင်း အစီအစဉ်တွေကို ဆိုင်ရှင်တွေ နားလည်အောင် ရှင်းပြရပါမယ်။
🔸 ဆိုင်အမည်၊ လိပ်စာ၊ ဖုန်းနံပါတ်၊ Menu၊ ဈေးနှုန်း၊ ဖွင့်ချိန်/ပိတ်ချိန်နဲ့ ဆိုင်ပုံ စတဲ့ အချက်အလက်တွေကို ကောက်ယူရပါမယ်။
🔸 ဆိုင်တွေကို App ပေါ်စာရင်းသွင်းပေးတာ၊ Menu တင်ပေးတာနဲ့ Merchant App အသုံးပြုနည်းတွေကို သေချာသင်ကြားပေးရပါမယ်။
🔸 App ပေါ်ရောက်ပြီးနောက်မှာလည်း အခက်အခဲတွေကို ကူညီဖြေရှင်းပေးပြီး ဆိုင်ရဲ့ အော်ဒါပိုတက်လာအောင် ကူညီပေးရပါမယ်။
🔸 ဆိုင်ရှင်တွေနဲ့ ရင်းနှီးတဲ့ ဆက်ဆံရေးတည်ဆောက်ပြီး သူတို့ရဲ့ လိုအပ်ချက်တွေကို အချိန်နဲ့တစ်ပြေးညီ တင်ပြပေးရပါမယ်။

✨ လူအများနဲ့ ပြောဆိုဆက်ဆံရတာကို နှစ်သက်ပြီး ပွင့်လင်းရွှင်လန်းသူဖြစ်ရမယ်။
✨ အလုပ်ပေါ်မှာ တာဝန်ယူမှု၊ တာဝန်ခံမှုရှိပြီး အမြဲတက်ကြွနေရမယ်။
✨ Smart Phone၊ App တွေအပြင် Facebook, Viber စတဲ့ Social Tool တွေကို ကျွမ်းကျင်စွာ အသုံးပြုနိုင်ရမယ်။
✨ စကားပြောဆိုရာမှာ ယဉ်ကျေးပျူငှာပြီး ရှင်းလင်းပြတ်သားစွာ ပြောဆိုနိုင်ရမယ်။
✨ အပြင်ထွက်ပြီး ဆိုင်တွေဆီ သွားရောက်ချိတ်ဆက်နိုင်သူ ဖြစ်ရမယ်။
✨ Delivery Platform၊ စားသောက်ဆိုင်လုပ်ငန်းနဲ့ Sales ပိုင်းကို စိတ်ဝင်စားသူဖြစ်ရမယ်။

• (မှတ်ချက် - Sales, Customer Service, Marketing နဲ့ ဆိုင်ချိတ်ဆက်ခြင်း အတွေ့အကြုံရှိသူများကို အထူးဦးစားပေးပါမည်။)
• လုပ်ငန်းခွင်မဝင်ခင်မှာ Platform အကြောင်း မိတ်ဆက်နည်း၊ ဆိုင်ရှင်တွေနဲ့ စကားပြောနည်း၊ App ပေါ်တင်ပေးနည်း အစရှိတဲ့ လိုအပ်တဲ့ Training တွေကို ကုမ္ပဏီဘက်မှ အပြည့်အဝ သင်ကြားပေးသွားမှာပါ။