• အစီရင်ခံရမည့်သူ — ဘဏ္ဍာရေးတာဝန်ခံ နေ့စဉ်ငွေဝင်ငွေထွက်နှင့် လုပ်ငန်းစာရင်းများကို လက်ရေးစာရင်းစာအုပ်များတွင် စနစ်တကျ မှတ်တမ်းတင်ပြီး အထောက်အထားများနှင့်ကိုက်ညီစေရန်။ အဓိကတာဝန်များ • ငွေဝင်ငွေထွက်စာအုပ်၊ ဝယ်ယူမှု၊ ရောင်းချမှုနှင့် အထွေထွေစာရင်းများကို လက်ရေးဖြင့် သေသပ်မှန်ကန်စွာ ရေးသွင်းရန်။ • ငွေလက်ခံ၊ ငွေပေးချေ Voucher နှင့် အထောက်အထားများကိုစစ်ဆေးပြီး ခွင့်ပြုချက်အတိုင်း စာရင်းသွင်းရန်။ • နေ့စဉ်ငွေလက်ကျန်နှင့် ငွေစာရင်းကို တိုက်စစ်၍ ကွာဟချက်များကိုချက်ချင်းတင်ပြရန်။ • ဝယ်ယူသူထံမှ ရရန်ငွေနှင့် ပေးသွင်းသူများသို့ ပေးရန်ငွေစာရင်းများပြုစုတိုက်စစ်ရန်။ • စတိုအဝင်အထွက်၊ ဝယ်ယူစာရင်းနှင့် သက်ဆိုင်ရာစာရွက်စာတမ်းများကို ဌာနများနှင့် ညှိနှိုင်းတိုက်စစ်ရန်။ • လစဉ်စာရင်းပိတ်ခြင်းနှင့် စာရင်းချုပ်ပြုစုခြင်းတွင် ကူညီပြီးအထောက်အထားများကို စနစ်တကျ သိမ်းဆည်းကာ စစ်ဆေးမှုအတွက် ပြင်ဆင်ပေးရန်။

• Benefits: .

Posted: Today

• **အစီရင်ခံရမည့်သူ — ဘဏ္ဍာရေးတာဝန်ခံ / လုပ်ငန်းလည်ပတ်ရေးတာဝန်ခံ** **ရာထူး၏ ရည်ရွယ်ချက်** မုန့်ထုတ်လုပ်ရေးအတွက် လိုအပ်သော ကုန်ကြမ်း၊ ထုပ်ပိုးပစ္စည်းနှင့် လုပ်ငန်းသုံးပစ္စည်းများကို သတ်မှတ်အရည်အသွေး၊ သင့်တင့်သောဈေးနှုန်းနှင့် လိုအပ်သည့်အချိန်အတွင်း ရရှိစေရန် ဝယ်ယူပေးရမည်။ **အဓိကတာဝန်များ — Job Description** ၁။ စတိုလက်ကျန်၊ ပြန်လည်မှာယူရန် သတ်မှတ်ပမာဏနှင့် ဌာနများ၏ ဝယ်ယူရန်တောင်းခံချက်များကို စစ်ဆေးပြီး ဝယ်ယူရေးအစီအစဉ် ပြုစုရန်။ ၂။ ပေးသွင်းသူများထံမှ ဈေးနှုန်းရယူ၍ အရည်အသွေး၊ ပို့ဆောင်ချိန်၊ သယ်ယူစရိတ်နှင့် ငွေပေးချေမှုစည်းကမ်းများကို နှိုင်းယှဉ်တင်ပြရန်။ ၃။ အတည်ပြုထားသော ဝယ်ယူတောင်းခံချက်အပေါ် အခြေခံ၍ Purchase Order (PO) ပြုစုကာ သတ်မှတ်ခွင့်ပြုချက်ရရှိပြီးမှ အော်ဒါတင်ရန်။ ၄။ ကုန်ကြမ်းအမျိုးအစား၊ အမှတ်တံဆိပ်၊ အလေးချိန်၊ ထုပ်ပိုးပုံနှင့် သက်တမ်းဆိုင်ရာ သတ်မှတ်ချက်များကို ပေးသွင်းသူထံ ရှင်းလင်းစွာ အတည်ပြုရန်။ အစားထိုးပစ္စည်းများကို သက်ဆိုင်ရာတာဝန်ခံ၏ ခွင့်ပြုချက်ရရှိပြီးမှ ဝယ်ယူရန်။ ၅။ မှာယူထားသည့်ပစ္စည်းများ အချိန်မီရောက်ရှိစေရန် လိုက်လံဆောင်ရွက်ပြီး ပစ္စည်းပြတ်လပ်မှု၊ ဈေးနှုန်းပြောင်းလဲမှုနှင့် ပို့ဆောင်မှုနှောင့်နှေးခြင်းများကို ကြိုတင်တင်ပြရန်။ ၆။ ပစ္စည်းရောက်ရှိချိန်တွင် Store နှင့် QC တို့က PO အတိုင်း အရေအတွက်၊ အရည်အသွေးနှင့် သက်တမ်းကို စစ်ဆေးလက်ခံနိုင်ရန် ညှိနှိုင်းပေးရန်။ ၇။ အရေအတွက်မပြည့်ခြင်း၊ ပျက်စီးခြင်းနှင့် သတ်မှတ်ချက်မကိုက်ညီခြင်းများအတွက် ပေးသွင်းသူနှင့် ဆက်သွယ်၍ ပြန်လဲခြင်း၊ ပြန်ပို့ခြင်း သို့မဟုတ် ငွေစာရင်းပြင်ဆင်ခြင်းတို့ ဆောင်ရွက်ရန်။ ၈။ PO၊ ဘောင်ချာ၊ ပို့လွှာနှင့် စတိုလက်ခံမှတ်တမ်းများကို သက်ဆိုင်ရာ PO နံပါတ်ဖြင့် ချိတ်ဆက်သိမ်းဆည်းပြီး ငွေပေးချေမှုအတွက် စာရင်းကိုင်ဌာနသို့ ပြည့်စုံစွာ ပေးပို့ရန်။ ၉။ ဝယ်ယူရန်ထုတ်ပေးထားသော ကြိုတင်ငွေများအတွက် ဘောင်ချာနှင့် လက်ကျန်ငွေကို သတ်မှတ်အချိန်အတွင်း စာရင်းရှင်းလင်းရန်။ ၁၀။ ပေးသွင်းသူစာရင်း၊ ဝယ်ယူဈေးနှုန်းမှတ်တမ်းနှင့် မပြီးစီးသေးသော PO များကို အပ်ဒိတ်လုပ်ပြီး ဝယ်ယူမှုအခြေအနေကို ပုံမှန်တင်ပြရန်။ **Purchaser ရာထူး၏ အဓိကဦးစားပေးတာဝန်များ** ၁။ **ကုန်ကြမ်းအချိန်မီရရှိရေး** စတိုလက်ကျန်၊ ထုတ်လုပ်မှုအစီအစဉ်နှင့် ပေးသွင်းသူ၏ ပို့ဆောင်ရန်ကြာချိန်တို့ကို ကြိုတင်စစ်ဆေး၍ အချိန်မီမှာယူရမည်။ ကုန်ကြမ်းဝယ်ယူမှုနှောင့်နှေးခြင်းကြောင့် ထုတ်လုပ်ရေးလုပ်ငန်း ရပ်တန့်မှုမဖြစ်စေရန် တာဝန်ယူဆောင်ရွက်ရမည်။ ပစ္စည်းပြတ်လပ်နိုင်ခြေရှိပါက တာဝန်ခံထံ ကြိုတင်တင်ပြပြီး အစားထိုးပေးသွင်းနိုင်သူ စီစဉ်ထားရမည်။ ၂။ **သတ်မှတ်အရည်အသွေး ပြည့်မီရေး** ဝယ်ယူသောကုန်ကြမ်းများသည် ကုမ္ပဏီနှင့် QC ဌာနက သတ်မှတ်ထားသည့် အရည်အသွေး၊ အမျိုးအစား၊ သက်တမ်းနှင့် အစားအသောက်ဘေးကင်းရေး လိုအပ်ချက်များနှင့် ကိုက်ညီရမည်။ ပေးသွင်းသူအသစ် သို့မဟုတ် ကုန်ကြမ်းအစားထိုးမှုအတွက် သက်ဆိုင်ရာတာဝန်ခံနှင့် QC ၏ အတည်ပြုချက်ရရှိပြီးမှ မှာယူရမည်။ ၃။ **မှန်ကန်သင့်တင့်သော ဈေးနှုန်းဖြင့် ဝယ်ယူရေး** ဈေးနှုန်းများကို ပုံမှန်နှိုင်းယှဉ်စစ်ဆေး၍ သယ်ယူစရိတ်နှင့် အခြားကုန်ကျစရိတ်များအပါအဝင် စုစုပေါင်းဝယ်ယူစရိတ်ကို တွက်ချက်တင်ပြရမည်။ **QC သတ်မှတ်ချက်တူညီစွာ ပြည့်မီပြီး လိုအပ်သည့်အချိန်အတွင်း ပို့ဆောင်နိုင်သော ပေးသွင်းသူများအနက် စုစုပေါင်းကုန်ကျစရိတ် ပိုမိုသက်သာသူထံမှ ဦးစားပေးမှာယူရမည်။

• Benefits: နေစားငြိမ်း **အလုပ်ချိန်နှင့် နားရက် —** တပတ်တရက်

Posted: Today

• အစီရင်ခံရမည့်သူ— ထုတ်လုပ်ရေးအကြီးအကဲ / တာဝန်ခံမုန့်ဆရာ သတ်မှတ်Recipe နှင့် ထုတ်လုပ်ရေးအစီအစဉ်အတိုင်း မုန့်များကို အရည်အသွေးညီညာစွာ ထုတ်လုပ်ပြီးအကူဝန်ထမ်းများကို လက်တွေ့ကြီးကြပ်သင်ကြားရန်။ အဓိကတာဝန်များ ထုတ်လုပ်မှုအစီအစဉ်အလိုက် ကုန်ကြမ်းနှင့် မုန့်လုပ်ငန်းစဉ်များကိုတင်ပြင်ဆင်ရန်။ သတ်မှတ် Recipe အတိုင်း ကုန်ကြမ်းချိန်တွယ်ခြင်း၊ ရောစပ်ခြင်း၊ပုံဖော်ခြင်းနှင့် မုန့်ဖုတ်ခြင်းတို့ ဆောင်ရွက်ရန်။ မုန့်အမျိုးအစားအလိုက် မီးဖိုအပူချိန်၊ အချိန်နှင့်အအေးခံမှုကို ထိန်းချုပ်ပြီး မုန့်အလေးချိန်နှင့် အရည်အသွေး ညီညာစေရန်။ အကူဝန်ထမ်းများအား တာဝန်ခွဲဝေ၍ အလုပ်လုပ်နည်း၊ စက်အသုံးပြုနည်းနှင့်သန့်ရှင်းရေးကို သင်ကြားကြီးကြပ်ရန်။ ကုန်ကြမ်းအသုံးပြုမှု၊ ထုတ်လုပ်ပြီးအရေအတွက်နှင့် အလေအလွင့်များမှတ်တမ်းတင်ပြီး ပြဿနာများကို တာဝန်ခံထံ တင်ပြရန်။ ခွင့်ပြုချက်မရှိဘဲ Recipe သို့မဟုတ် ပါဝင်ပစ္စည်းများမပြောင်းလဲရန်နှင့် QC၊ ထုပ်ပိုးရေးအဖွဲ့များနှင့် ပူးပေါင်းဆောင်ရွက်ရန်။

• Benefits: နေစရာနှင့် တရက်လျှင် (၃) နပ် စားစရာ စီစဉ်ပေးသည်။

Posted: Today

• အစီရင်ခံရမည့်သူ— စတိုနှင့် ဘဏ္ဍာရေးဆိုင်ရာ တာဝန်ခံ ကုန်ကြမ်း၊ထုပ်ပိုးပစ္စည်းနှင့် ကုန်ချောများကို စနစ်တကျ လက်ခံ၊ ထိန်းသိမ်း၊ ထုတ်ပေးပြီး လက်ကျန်စာရင်း တိကျမှန်ကန်စေရန်။ အဓိကတာဝန်များ ဝယ်ယူပို့ဆောင်လာသောပစ္စည်းများကို အော်ဒါ၊ ပို့လွှာနှင့်တိုက်စစ်၍ အရေအတွက်၊ အလေးချိန်နှင့် အခြေအနေကို စစ်ဆေးလက်ခံရန်။ ကုန်ကြမ်း၊ ထုပ်ပိုးပစ္စည်းနှင့် ကုန်ချောများကို အမျိုးအစားနှင့်Batch အလိုက် ခွဲခြားသိမ်းဆည်းရန်။ ခွင့်ပြုထားသော စာရွက်စာတမ်းအတိုင်း ပစ္စည်းထုတ်ပေးပြီးအဝင်၊ အထွက်နှင့် လက်ကျန်စာရင်းကို နေ့စဉ်မှတ်တမ်းတင်ရန်။ သက်တမ်းကုန်ရက်နီးသည့်ပစ္စည်း ဦးစားပေးထုတ်ပေးခြင်းနှင့်ပစ္စည်းအလိုက် သတ်မှတ်သိုလှောင်စည်းကမ်းများ လိုက်နာရန်။ မြေပြင်လက်ကျန်ကို ပုံမှန်ရေတွက်၍ စာရင်းနှင့်တိုက်စစ်ပြီးကွာဟချက်၊ ပျက်စီးမှုနှင့် သက်တမ်းနီးပစ္စည်းများ တင်ပြရန်။ စတိုသန့်ရှင်းရေး၊ ပိုးမွှားကာကွယ်ရေးနှင့် စာရွက်စာတမ်းသိမ်းဆည်းမှုကို ထိန်းသိမ်းပြီး ဝယ်ယူရေး၊ ထုတ်လုပ်ရေး၊ စာရင်းကိုင်တို့နှင့် ညှိနှိုင်းရန်။

• Benefits: နေစရာနှင့် တရက်လျှင် (၃) နပ် စားစရာ စီစဉ်ပေးသည်။

Posted: Today

• အစီရင်ခံရမည့်သူ — အရည်အသွေးနှင့် အစားအသောက်ဘေးကင်းရေးတာဝန်ခံ ကုန်ကြမ်းလက်ခံခြင်းမှ မုန့်အချောထုတ်လုပ်ခြင်းအထိ သတ်မှတ်အရည်အသွေးနှင့် သန့်ရှင်းရေးစံနှုန်းများ ပြည့်မီမှုကို စစ်ဆေးမှတ်တမ်းတင်ရန်။ အဓိကတာဝန်များ ကုန်ကြမ်းနှင့် ထုပ်ပိုးပစ္စည်းများ၏ အခြေအနေ၊ သက်တမ်းနှင့်သတ်မှတ်ချက်ကို လက်ခံချိန်တွင် စစ်ဆေးရန်။ ထုတ်လုပ်စဉ် မုန့်အလေးချိန်၊ အရွယ်အစား၊ အရောင်၊ ပုံသဏ္ဌာန်နှင့်သတ်မှတ်အချိန်၊ အပူချိန်မှတ်တမ်းများကို စစ်ဆေးရန်။ ဝန်ထမ်းတစ်ကိုယ်ရေသန့်ရှင်းရေး၊ ပစ္စည်းကိရိယာနှင့်လုပ်ငန်းခွင်သန့်ရှင်းရေးကို စစ်ဆေးမှတ်တမ်းတင်ရန်။ အချောထုတ်ကုန်၏ ထုပ်ပိုးပိတ်သိမ်းမှု၊ Label၊ ရက်စွဲနှင့်Batch အချက်အလက် မှန်ကန်မှု စစ်ဆေးရန်။ စံမမီသောပစ္စည်းများကို သီးခြားသတ်မှတ်ထားရှိစေပြီးတာဝန်ခံထံတင်ပြကာ သတ်မှတ်လုပ်ထုံးလုပ်နည်းအတိုင်း ကိုင်တွယ်ရန်။ QC စစ်ဆေးချက်၊ နမူနာထိန်းသိမ်းမှုနှင့် ပြင်ဆင်ဆောင်ရွက်မှုမှတ်တမ်းများကိုစနစ်တကျ ထိန်းသိမ်းရန်။

• Benefits: နေစရာနှင့် တရက်လျှင် (၃) နပ် စားစရာ စီစဉ်ပေးသည်။

Posted: Today

• အစီရင်ခံရမည့်သူ— တာဝန်ခံမုန့်ဆရာ / ထုတ်လုပ်ရေးတာဝန်ခံ မုန့်ထုတ်လုပ်ရေးအဖွဲ့ကိုကူညီပြီး လုပ်ငန်းခွင်သန့်ရှင်းရေးနှင့် အစားအသောက်ဘေးကင်းရေး စည်းကမ်းများအတိုင်း နေ့စဉ်လုပ်ငန်းများ ဆောင်ရွက်ရန်။ အဓိကတာဝန်များ ကုန်ကြမ်း၊ မုန့်ဗန်းနှင့် အသုံးအဆောင်များကို နေ့စဉ်ထုတ်လုပ်မှုအတွက်ပြင်ဆင်ပေးရန်။ ညွှန်ကြားချက်အတိုင်း ကုန်ကြမ်းချိန်တွယ်ခြင်း၊ မုန့်သားနယ်ခြင်း၊ အပိုင်းခွဲခြင်းနှင့် ပုံဖော်ခြင်းတို့တွင် ကူညီရန်။ မုန့်ဗန်းစီခြင်း၊ အအေးခံခြင်းနှင့် မုန့်အရေအတွက်ရေတွက်ခြင်းတို့ ဆောင်ရွက်ရန်။ လုပ်ငန်းခွင်၊ စားပွဲ၊ ဗန်းနှင့် ကိရိယာများကို သတ်မှတ်အစီအစဉ်အတိုင်းဆေးကြောသန့်စင်ရန်။ မုန့်အရည်အသွေးမမှန်ခြင်း၊ ကုန်ကြမ်းပျက်စီးခြင်းနှင့်စက်ချို့ယွင်းခြင်းများကို တာဝန်ခံထံ ချက်ချင်းတင်ပြရန်။ လက်ဆေးခြင်း၊ အလုပ်ဝတ်စုံနှင့် ဆံပင်အုပ်ဆောင်းခြင်း စည်းကမ်းများ လိုက်နာပြီး သင်ကြားခွင့်ပြုထားသော စက်များကိုသာ အသုံးပြုရန်။

• Benefits: နေစရာနှင့် တရက်လျှင် (၃) နပ် စားစရာ စီစဉ်ပေးသည်။

Posted: Today