နေ့စဉ်တာဝန်ကျဇယားအတိုင်း တာဝန်ထမ်းဆောင်ရမည်။
တာဝန်ကျရာနေရာသို့ တာဝန်လွှဲပြောင်းချိန်မတိုင်မီ ကြိုတင်ရောက်ရှိရ မည်။
လုံခြုံရေးဝန်ထမ်းအသစ်/အဟောင်းသည် စာရွက်စာတမ်း၊ ပစ္စည်းပစ္စယများကို ကြည့်ရှုစစ်ဆေးပြီးမှ လွှဲပြောင်း/လက်ခံပြုရမည်။
တာဝန်ချိန်ဇယားတွင်ပါရှိသည့်နေရာနှင့် အချိန်တိုင်းတွင် ကုမ္ပဏီနှင့်ပတ်သက်သော ပစ္စည်းလုံခြုံရေး၊ ဝန်ထမ်းလုံခြုံရေး၊ သတင်းနှင့်စာရွက်စာတမ်းလုံခြုံရေးတို့ကို တာဝန်ယူရမည်။
ကုမ္ပဏီနှင့်ဝန်ထမ်းများ၏လုံခြုံရေးကို ဘေးဥပါဒ်ဖြစ်စေမည့် အကြောင်းအရာမှန်သမျှကို အစဉ်သတိ ဖြင့် စောင့်ကြည့်ရမည်။
ပြင်ပဝန်ထမ်းနှင့်ဧည့်သည်များလာရောက်ပါက ယဉ်ကျေးစွာမေးမြန်းခြင်း၊ သက်ဆိုင်ရာတာဝန်ရှိသူထံ သတင်းပို့ခြင်း၊ တာဝန်ရှိသူနှင့်မတွေ့ဆုံပါက ၎င်းဧည့်သည်၏လာရောက်သည့်အကြောင်းအရာ၊ ဖုန်း နံပါတ်၊ အချက်အလက်တို့အား မေးမြန်းရမည်။
တာဝန်အရစစ်ဆေးမေးမြန်းရာတွင် ယဉ်ယဉ်ကျေးကျေးဖြင့်လိုရင်းကို စစ်ဆေးမေးမြန်းခြင်းပြုရမည်။ တာဝန်အရ စစ်ဆေးမေးမြန်းသည်ကို မချေမငံပြုမူခြင်း၊ ရိုင်းပျစော်ကားခြင်းပြုပါက ပြုလုပ်သူကို မှတ်တမ်းတင်၍ တာဝန်ရှိသူထံ ချက်ချင်းသတင်းပို့ရမည်။
ပြင်ပမှရောက်ရှိလာသောစာများကို ဖောက်ဖတ်ခြင်း၊ ဖြန့်ဝေခြင်းမပြုဘဲ မှတ်တမ်းတင်၍ သက်ဆိုင်ရာ တာဝန်ခံထံ ချက်ချင်းသတင်းပို့ရမည်။
ခြံစည်းရိုးများ၊ အုတ်တံတိုင်းများ၊ အကာအရံနှင့်ဝင်ပေါက်/ထွက်ပေါက်များကို အချိန်တိုင်းကြည့်ရှု စစ်ဆေး၍ ပျက်စီးမှုရှိက တာဝန်ခံထံ ချက်ချင်းသတင်းပို့ရမည်။
ယာဉ်ဝင်/ထွက်တိုင်း သက်ဆိုင်ရာမှတ်ပုံတင်စာအုပ်တွင် မှတ်တမ်းတင်ထားရမည်။
မီးဘေးလုံခြုံရေးကို အထူးဂရုပြုစောင့်ကြပ်ထိန်းသိမ်းရမည်။
ထူးခြားဖြစ်စဉ်ပေါ်ပေါက်တိုင်း တာဝန်ရှိသူများကို အချိန်နှင့်တပြေးညီ သတင်းပို့ခြင်း/ မှတ်တမ်းတင် ခြင်းပြုလုပ်ရမည်။