ကျွန်ုပ်တို့ကုမ္ပဏီအကြောင်း
Alpha International Company Limited သည် ၂၀၀၄ ခုနှစ်ကတည်းက မြန်မာနိုင်ငံတွင် စတင်တည်ထောင်ခဲ့သော ပုဂ္ဂလိကကုမ္ပဏီတစ်ခု ဖြစ်ပါသည်။ ကျွန်ုပ်တို့သည် Alpha၊ Syinix နှင့် Era အမှတ်တံဆိပ် လူသုံးကုန်လျှပ်စစ်ပစ္စည်းများ၊ Karofi ရေနှင့် လေထုသန့်စင်စက်များအပြင် တူရကီနို့ဆီ၊ နို့စိမ်း၊ The Best နို့ဆီနှင့် Chocopie မုန့်ကဲ့သို့သော လျင်မြန်စွာရောင်းချရသည့် လူသုံးကုန်ပစ္စည်း (FMCG) များကို တစ်နိုင်ငံလုံးအတိုင်းအတာဖြင့် တင်သွင်းဖြန့်ဖြူးရောင်းချနေသော တရားဝင်ကိုယ်စားလှယ်ကြီး ဖြစ်ပါသည်။
ကျွန်ုပ်တို့ကုမ္ပဏီကို စတင်တည်ထောင်စဉ်က RICH HERO (RH Company Limited) ဟု အမည်ပေးခဲ့ပြီး ၂၀၂၁ ခုနှစ်တွင် Alpha International Company Limited အဖြစ်သို့ ပြောင်းလဲဖွဲ့စည်းခဲ့ပါသည်။
ကျွန်ုပ်တို့သည် မြန်မာပြည်သူ ပြည်သားတို့၏ လိုအပ်ချက်နှင့် လိုလားချက်များကို ကောင်းမွန်စွာ နားလည်သဘောပေါက်ပြီး ကမ္ဘာ့အဆင့်မီကာ စိတ်ချယုံကြည်ရသည့် အရည်အသွေးမြင့် လျှပ်စစ်ပစ္စည်းများကို သင့်တင့်မျှတသော ဈေးနှုန်းများဖြင့် ပံ့ပိုးပေးလျက်ရှိပါသည်။ ကုမ္ပဏီ၏ ဆောင်ပုဒ်ဖြစ်သော “Moving Forward Together” (အတူတကွ ရှေ့သို့လှမ်းချီ) ဟူသည့်အတိုင်း ကျွန်ုပ်တို့၏ တန်ဖိုးရှိလှသော ဝန်ထမ်းများ၊ စီးပွားဖက်များနှင့် လက်လီအရောင်းဆိုင်များနှင့်အတူ လက်တွဲ၍ တိုးတက်အောင်မြင်ရန် အစဉ်တစိုက် ကြိုးပမ်းဆောင်ရွက်နေပါသည်။
x