ကျွန်ုပ်တို့ကုမ္ပဏီအကြောင်း

**New A1 Family Co., Ltd (A1 Family )** သည် ကျား၊မ မခွဲခြားသော၊ စိုက်ပျိုးရေးအခြေပြု တာဝန်ယူမှုရှိသည့် လုပ်ငန်းတစ်ခုဖြစ်ပြီး လူမှုအသိုက်အဝန်းနှင့် သဘာဝပတ်ဝန်းကျင်အပေါ် အပြုသဘောသက်ရောက်မှုရှိစေရန် အလေးထားဆောင်ရွက်လျက်ရှိသော ကုမ္ပဏီတစ်ခုဖြစ်ပါသည်။ကုမ္ပဏီသည် ကမ္ဘာမြေ သဘာဝ ထိန်းသိမ်းရေးနှင့် လူသားများ၏ဘဝများတိုးတက်စေရန်အတွက် ကျင့်ဝတ်နှင့်ညီသော တာဝန်ယူမှုရှိသည့် လုပ်ငန်းဆောင်ရွက်ချက်များကို အချိတ်အဆက်မိမိ ဆောင်ရွက်လျက်ရှိပါသည်။

A1 Family သည် ကြက်သွန်နီနှင့်ငရုတ်သီးများ ရောင်းဝယ်သည့် ပွဲရုံလုပ်ငန်းတစ်ခုအဖြစ် ၁၉၈၂ ခုနှစ်တွင် မန္တလေးတိုင်း၊ မြစ်သားမြို့၌ စတင်တည်ထောင်ခဲ့ကာ ၂၀၁၃ ခုနှစ်တွင် ကုမ္ပဏီအဖြစ် မှတ်ပုံတင်ခဲ့ပါသည်။ အေဝမ်းမိသားစု အမည်ဖြင့် ငရုတ်သီး၊ ကြက်သွန်နီနှင့် အခြားဟင်းခတ်အမွှေးအကြိုင်ပစ္စည်းများကို နှစ်ပေါင်း ၄၀ ကျော် ရောင်းဝယ်ဖောက်ကားခဲ့ပြီး ယနေ့အထိ ဤလုပ်ငန်းတွင် ကောင်းမွန်သည့်ဂုဏ်သတင်းနှင့် နာမည်ကောင်းတစ်ခုဖြင့် ရပ်တည်လုပ်ကိုင်နေသော လုပ်ငန်းတစ်ခုဖြစ်ပါသည်။

၂၀၁၈ ခုနှစ်တွင် ကူမဲမြို့၌ အရည်အသွေးမြင့် ငရုတ်သီးမှုန့်၊ နနွင်းမှုန့်နှင့် အခြားဟင်းခတ်အမွှေးအကြိုင်များကို နိုင်ငံတကာအစားအသောက်ဘေးကင်းရေးစံချိန်များနှင့်အညီ ထုတ်လုပ်ရန် စက်ရုံတစ်ရုံ တည်ဆောက်ခဲ့ပါသည်။ ယခုအခါတွင် ပြည်တွင်းနှင့်နိုင်ငံတကာဈေးကွက်များအတွက် ကုန်ပစ္စည်း ၃၀ ကျော်ကို ထုတ်လုပ်လျက်ရှိပါသည်။
မြန်မာနိုင်ငံတွင် မကူးစက်နိုင်သောရောဂါများ (NCDs) (ဥပမာ - သွေးတိုး၊ ဆီးချို) ကြောင့် သေဆုံးမှု ၆၈% ရှိသည့်အတွက် အလယ်တန်းနှင့် အလုပ်သမားလူတန်းစားများ ကျန်းမာရေးနှင့်ညီညွတ်သော ချက်ပြုတ်ပစ္စည်းများ လွယ်ကူစွာရရှိစေရန် ရည်ရွယ်ဆောင်ရွက်လျက်ရှိပါသည်။

မြန်မာနိုင်ငံသားများ၏ ကျန်းမာရေးကို ဂရုစိုက်သည့်အနေဖြင့် A1 Family သည် အဆိပ်အတောက်ကင်းစင်၍ ဓာတုပစ္စည်းများ၊ အရောင်တင်ဆေးများ၊ ကြာရှည်ခံဆေးများ လုံးဝမပါဝင်သော ငရုတ်သီးမှုန့်၊ နနွင်းမှုန့်နှင့် အခြားဟင်းခတ်အမွှေးအကြိုင်ပစ္စည်းများကို ဈေးနှုန်းသက်သာစွာဖြင့် ဖြန့်ဖြူးပေးလျက်ရှိပါသည်။

A1 Family သည် မန္တလေး၊ မကွေး၊ ဧရာဝတီတိုင်းဒေသကြီးများနှင့် ရှမ်းပြည်နယ်ရှိ ကူမဲ၊ မြစ်သား၊ ကျောက်ဆည်၊ မိတ္ထီလာ၊ ပျော်ဘွယ်၊ မြင်းခြံ၊ ဟင်္သာတ၊ စလင်းနှင့် ဧရာဝတီ မှ ကြက်သွန်နီနှင့်ငရုတ်သီးများကို ဝယ်ယူပါသည်။ ထို့အပြင် မိတ္ထီလာ၊ ပျော်ဘွယ်၊ မြင်းခြံ၊ ကုမဲ၊ ရေဝန်း၊ စလင်းနှင့် မြစ်သားမြို့နယ်များတွင် ကုန်စည်စုဆောင်းရောင်းဝယ်ရေးဌာနခွဲများနှင့် သိုလှောင်ရုံများ ထားရှိပါသည်။

A1 Family ၏ ထုတ်ကုန်များကို အဓိကအားဖြင့် ရန်ကုန်နှင့် မန္တလေးမြို့များရှိ ကိုယ်ပိုင်ဖြန့်ချီရေးဌာနများမှတစ်ဆင့်နှင့် Makro၊ City Mart၊ Capital နှင့် Sein Gayhar ကဲ့သို့သော အဆင့်မြင့်ဈေးကွက်များသို့ လည်းကောင်း wet Market စျေးများ ဆိုင်ခန်းများသို့လည်းကောင်း ဖြန့်ဖြူးရောင်းချပါသည်။

A1 Familyသည် HALAL အသိအမှတ်ပြုလက်မှတ်၊ အစားအသောက်နှင့်ဆေးဝါးကွပ်ကဲရေးဦးစီးဌာန (FDA)လက်မှတ်၊ HACCP ၊ GMP နှင့် ISO 22000:2018 အသိအမှတ်ပြုလက်မှတ်များ ရရှိထားပါသည်။

**ထုတ်ကုန်များမှာ အောက်ပါအတိုင်းဖြစ်ပါသည်-**
၁. ငရုတ်သီးအနုမှုန့်
၂. ငရုတ်သီးအကြမ်းမှုန့်
၃. ငရုတ်အရောင်တင်မှုန့်
၄. ငရုတ်သီးအလှော်မှုန့်
၅. နနွင်းမှုန့်
၆. ငရုတ်သီးခြောက်
၇. အညှာခြွေ ငရုတ်သီးခြောက်
၈. ဂျင်းမှုန့်
၉. ကြက်သွန်ဖြူမှုန့်
၁၀. ကြက်သွန်နီမှုန့်
၁၁. ကြက်သွန်နီခြောက်
၁၂. ကြက်သွန်နီကြော်
၁၃. ကြက်သွန်ဖြူကြော်
၁၄. မဆလာ
၁၅. ငရုတ်ကောင်းမှုန့်
၁၆. ရသာမှုန့်
၁၇. မာလာရှန်းကောအနှစ်
၁၈. ငရုတ်သီးနှမ်းကပ်ကြော်
Spicy အနှစ်
BBQ မာလာမှုန့်