ကျောင်းလုံခြုံရေးတဦး၏ လုပ်ငန်းတာဝန်သည် ကျောင်းသား၊ ဝန်ထမ်းများနှင့် ဧည့်သည်များအတွက် ဘေးကင်းလုံခြုံသော ပတ်ဝန်းကျင်ကို ထိန်းသိမ်းရာတွင် စဥ်ဆက်မပြတ် ကင်းလှည့်ခြင်း၊ စောင့်ကြပ်ကြည့်ရှုခြင်းစနစ်များ၊ ကျောင်းဝန်းနှင့် ပတ်ဝန်းကျင်တွင် ဝင်ရောက်ခွင့်ကို ထိန်းချုပ်ခြင်း၊ အရေးပေါ်အခြေအနေ တုံ့ပြန်ခြင်းနှင့် လုံခြုံရေးစည်းကမ်း ကြပ်မတ်ခြင်း တို့ အပါအဝင်ဖြစ်သည်။  

အဓိကတာဝန်များ 

ကင်းလှည့်ခြင်းနှင့် စောင့်ကြည့်ခြင်း 

- စည်းကမ်းချိုးဖောက်မှုများနှင့် ပြစ်မှုမကင်းသည့် ဆောင်ရွက်မှုများ၊ လှုပ်ရှားမှုများကို ရှာဖွေရန်နှင့် ဟန့်တားရန်အတွက် ကျောင်းပတ်ဝန်းကျင်၊ အဆောက်အအုံများနှင့် ယာဉ်ရပ်နားရာနေရာများသို့ ပုံမှန်ကင်းလှည့်ခြင်းများ ဆောင်ရွက်ရပါမည်။ လုံခြုံရေးကင်မရာများနှင့် အချက်ပေးစနစ်များကို စောင့်ကြည့်ရပါမည်။  

ကျောင်းဝန်းအတွင်း အဝင်၊အထွက် ထိန်းချုပ်ရေး 

- ID များကိုစစ်ဆေးခြင်း၊ ဧည့်သည်မှတ်ပုံတင်ခြင်းကို စီမံခန့်ခွဲခြင်းနှင့် ခွင့်ပြုချက်မရှိသောဧည့်သည်များကို စောင့်ကြပ်ခြင်းဖြင့် ကျောင်းဝန်းအတွင်းသို့ဝင်ရောက်မှုကို ထိန်းချုပ်ရပါမည်။ 

အရေးပေါ်တုံ့ပြန်မှု 

- အရေးပေါ်အခြေအနေများအတွင်း ပထမဆုံးတုံ့ပြန်မှုအကူအညီကို လုံခြုံရေးအတွက် ချမှတ်ထားသည့် မူဝါဒ နည်းလမ်းများအတိုင်း စတင် ဆောင်ရွက်ပေးခြင်း၊ အရေးပေါ်ဝန်ဆောင်မှုများကို ကျောင်းတာဝန်ရှိသူများနှင့် ပူးပေါင်းဆောင်ရွက်ခြင်း၊ အကောင်အထည်ဖော်ရာတွင် ကူညီပေးခြင်းတို့ပါဝင်ပါသည်။ 

အဖြစ်အပျက်များကို အစီရင်ခံခြင်း 

- မှတ်တမ်းဖြစ်ရပ်များ၊ အသေးစိတ်အစီရင်ခံချက်များကို ပြင်ဆင်ပြီး ချိုးဖောက်မှု၊ ဖျက်ဆီးမှု သို့မဟုတ် အခြားသံသယဖြစ်ဖွယ် လုပ်ဆောင်ချက်များကို တိကျသော လုံခြုံရေးမှတ်တမ်းများပြုစုပြီး ထိန်းသိမ်းရပါမည်။ 

စည်ကမ်း မူဝါဒများကို အမြဲစောင့်ကြပ်ခြင်း 

-  လုံခြုံရေးနှင့် ပတ်သက်သော ကျောင်းမူဝါဒများကို ဝန်ထမ်းများ၊ ကျောင်းသား/သူ၊ ကျောင်းသားမိဘ၊ ဧည့်သည်များ လိုက်နာမှုရှိစေရန် စောင့်ကြပ်ပြီး၊ လိုအပ်ပါက လိုက်နာနိုင်စေရန် ကူညီဆောင်ရွက်ပေးရပါမည်။ 

နေ့စဥ်လုပ်ငန်းဆောင်တာများအတွက် ပံ့ပိုးမှု 

 - ဧည့်သည်များကို အကူအညီနှင့် လမ်းညွှန်မှုပေးခြင်း၊ လိုအပ်သော သတင်းအချက်အလက်များကို မြင်သာသောနေရာတွင် ဖော်ပြထားပြီး၊ မေးမြန်းစုံစမ်းလာပါက ဖြေကြားပေးရန် (သို့မဟုတ်) သက်ဆိုင်ရာ ဌာနများနှင့် ချိတ်ဆက် ပေးရပါမည်။  

- နေ့စဥ် ကျောင်းပို့/ကြို ကားများ အသွားအလာချောမွေ့စေရေး၊ နေ့လည်စာပို့ချိန် ကားများ၊ နေ့လည်စာဘူးများ လက်ခံ‌ပေးခြင်း နှင့် ဝန်ထမ်းကြို/ပို့ကားများ ရောက်ရှိချိန်၊ အလုပ်ဆင်းချိန်များကို ကြီးကြပ်ကူညီပေးရပါမည်။ 

• စောင့်ကြည့်ခြင်းနှင့် နိုးကြားမှု 

• ဆက်သွယ်ရေးပြေပြစ်၊ကျွမ်းကျင်မှု 

• ပြဿနာများကိုဖြေရှင်းနိုင်မှု 

• ရုပ်ပိုင်းဆိုင်ရာကြံ့ခိုင်မှု 

• လုံခြုံရေး အသိပညာ၊ လုပ်ထုံးလုပ်နည်းများ၊ ဘေးကင်းရေး ကျင့်ထုံးများနှင့် သက်ဆိုင်ရာ ဥပဒေများနှင့် စည်းမျဉ်းများကို နားလည်၊ လိုက်နာနိုင်မှု