ကျွန်ုပ်တို့ကုမ္ပဏီအကြောင်း
ပါရမီအထွေထွေရောဂါကုဆေးရုံကြီး၏အကြောင်း
ပါရမီအထွေထွေရောဂါကုဆေးရုံကြီးသည် ၂၀၁၀ ခုနှစ်မှစတင်၍ ပထမဆုံးပုဂ္ဂလိက မိခင် နှင့် ကလေးအထူးကုဆေးရုံအဖြစ် စတင်ခဲ့ပါသည်။ လိုအပ်ချက်ရှိလာသော မြန်မာနိုင်ငံ၏ ကျန်းမာရေး အခန်းကဏ္ဏအား ဖြည့်ဆည်းနိုင်ရန် နှင့် နိုင်ငံတကာအဆင့်မီ ကျန်းမာရေးစောင့်ရှောက်မှု ဖြစ်အောင် အမြဲ ကြိုးပမ်းဆောင်ရွက်လျက်ရှိပါသည်။ အကောင်းဆုံးကျန်းမာရေးဝန်ဆောင်မှုဖြစ်စေရန် Royal Parami Life Sciences Co., Ltd မှ ဒါရိုက်တာ အုပ်ချုပ်ရေးအဖွဲ့ (BOD) မှ ဦးဆောင်၍ လူနာ၏ ကျန်းမာရေးဝန်ဆောင်မှု နှင့် ယုံ ကြည်စိတ်ချရပြီး၊ အရည်အသွေးကောင်းသော ဆေးရုံအဖြစ် ဆောင်ရွက်လျက်ရှိပါသည်။ ၂၀၁၁ ခုနှစ် မှစတင်၍ ပါရမီဆေးရုံကြီးသည် အထွေထွေရောဂါကုဆေးရုံကြီးအဖြစ်သို့ ဝန် ဆောင်မှုတိုးချဲ့ဆောင်ရွက်လျက်ရှိပါသည်။ ပါရမီအထွေထွေရောဂါကုဆေးရုံကြီးမှ အတွေ့အကြုံရှိအထူးကုဆရာဝန်ကြီးများ ဖြစ်သည့် သား ဖွားမီးယပ်အထူးကု၊ ကလေးအထူးကု၊ အရိုးအကြောအထူးကု၊ အထွေထွေရောဂါအထူးကု၊ ခွဲစိတ် အထူးကုနှင့် ဓာတ်မှန်ဗေဒ နှင့် ဓာတ်ခွဲဆိုင်ရာ အထူးကုသမားတော်ကြီးများနှင့် ပူးပေါင်းကာ လူနာများအတွက် ဘက်ပေါင်းစုံမှ ပြည့်စုံစိတ်ချရပြီး၊ အရည်အသွေးမြင့် စက်ပစ္စည်းများဖြင့် ကုသ ပေးနေပါသည်။ တစ်နေရာတည်းတွင် အဆင့်မြင့်ပြီး၊ စက်ပစ္စည်းများစုံလင်ကာ တတ်ကျွမ်းသောဆရာဝန်ကြီးများ၊ အကောင်းဆုံးဝန်ဆောင်မှုများပေးသဖြင့် ပါရမီအထွေထွေရောဂါကုဆေးရုံကြီးအနေဖြင့် လူနာများ အတွက် ကျန်းမာရေးအတွက် ယုံကြည်စိတ်ချရပြီး၊ စိတ်ချမ်းသာ စေရန် တာဝန်ယူဆောင်ရွက်ပေး ပါသည်။