ရာထူး                                          : Kitchen Helper (စားဖိုဆောင်အကူ)
သတင်းပို့ရန်                                  : ကဖေးခေါင်းဆောင်

ဌာန                                             : Artisan Café

အလုပ်အကိုင်အမျိုးအစား                : (၃) လ အချိန်ပြည့်

အခြေခံလစာ                                 : ၃၅ဝ,ဝဝဝကျပ်
တာဝန်ထမ်းဆောင်ရမည့်နေရာ          : ရန်ကုန် 

အလုပ်ချိန်                                    : မနက် ၈:၀၀ မှ ညနေ ၆:၀၀ အထိ

အလုပ်စတင်မည့် ရက်                     : ၂၀၂၆ ခုနှစ်၊ ဧပြီလ (၁၀) ရက်။ (သောကြာနေ့)

Artisan Café ၏ အသေးစားကော်ဖီဆိုင်တွင် တာဝန်ထမ်းဆောင်ရန် စားဖိုဆောင်အကူတစ်ဦး ရှာဖွေနေပါ သည်။ ဤရာထူးသည် အစားအသောက်ပြင်ဆင်ခြင်းနှင့် စားဖိုဆောင်ဆိုင်ရာလုပ်ငန်းဆောင်တာများ ဆောင်ရွက်ခြင်း၊ မြန်မာ့ရိုးရာအစားအစာများ၊ တိုင်းရင်းသားအစားအစာများ ချက်ပြုတ် ပြင်ဆင်ခြင်းနှင့် တည်ခင်းဧည့်ခံခြင်းများအတွက် လက်တွေ့အတွေ့အကြုံများ ရရှိနိုင်မည့် အခွင့်အရေး ဖြစ်ပါသည်။
တာဝန်ဝတ္တရားများ

စားသောက်ဖွယ်ရာများပြင်ဆင်ခြင်း

• ကဖေးအဖွဲ့ခေါင်းဆောင် (သို့မဟုတ်) စားဖိုမှူးမှ  ညွှန်ကြားသည့်အတိုင်း မြန်မာ့ရိုးရာ အစားအစာ များနှင့် တိုင်းရင်းသားဟင်းလျာများကို ချက်ပြုတ်ပြင်ဆင်ရာတွင်ကူညီပေးရန်။
• ကြီးကြပ်သူ၏ညွှန်ကြားချက်အတိုင်း အစားအသောက်များတည်ခင်းခြင်းနှင့် ပြင်ဆင်ခြင်းများတွင် ကူညီပေးရန်။
• ချက်ပြုတ်မှု၊ ပြင်ဆင်မှု အဆင့်တိုင်းတွင် သန့်ရှင်းလတ်ဆတ်မှုနှင့် ကျန်းမာရေးဆိုင်ရာ စံချိန်စံညွှန်း များအတိုင်း သေချာစွာလိုက်နာရန်။
• ကဖေးအတွက်လိုအပ်သော ဟင်းသီးဟင်းရွက်များ၊ အချိုရည်များနှင့် အခြားကုန်ကြမ်းပစ္စည်းများကို ဝယ်ယူပေးရန်။

မီးဖိုခန်း ထိန်းသိမ်းခြင်း

• ပန်းကန်ဆေးခြင်း၊ မီးဖိုခန်းမျက်နှာပြင်များသန့်ရှင်းရေးလုပ်ခြင်းနှင့် အထွေထွေမီးဖိုခန်းသန့်ရှင်း သပ်ရပ်မှုအတွက် လုပ်ဆောင်ရန်။
• အလုပ်စချိန်မတိုင်မီနှင့် အလုပ်မဆင်းမီ မီးဖိုခန်းကိုသေခြာစွာ သန့်ရှင်းရေးပြုလုပ်ရန်။
• အမှိုက်များကိုစနစ်တကျစွန့်ပစ်ရန်နှင့် မီးဖိုချောင်သုံးပစ္စည်းများကို စီမံထိန်းသိမ်းရာတွင် ကူညီပေး ရန်။
• မီးဖိုခန်းဧရိယာ၊ ချက်ပြုတ်ရာနေရာများနှင့် အသုံးအဆောင်ပစ္စည်းကိရိယာများကို သန့်ရှင်းစွာ ထိန်းသိမ်းပေးရန်။ (ကျန်းမာရေးစံချိန်စံညွှန်းများအတိုင်း ကိုက်ညီစွာ လိုက်နာရန်။)
• စားဖိုဆောင်ဘေးကင်းရေး ဆောင်ရွက်ချက်များ၊ စည်းကမ်းများနှင့် သန့်ရှင်းမှုဆိုင်ရာ လုပ်ထုံး လုပ်နည်းများကို အချိန်တိုင်းလိုက်နာဆောင်ရွက်ရန်။

ဝန်ဆောင်မှုပေးခြင်း

• စားသုံးသူများထံ အစားအစာများအချိန်မီပို့ဆောင်ပေးရန်နှင့် အချိန်မီတည်ခင်းနိုင်ရန် ပြင်ဆင်ရာတွင် ကူညီပေးရန်။
• စားသုံးသူများစိတ်ကျေနပ်မှုရရှိစေရန်၊ ကောင်းမွန်သောဝန်ဆောင်မှုအတွေ့အကြုံများ ဖြစ်ပေါ်စေရန် နှင့် လုပ်ငန်းလည်ပတ်မှုချောမွေ့စေရန် စားဖိုမှူးအပါအဝင် ကဖေးဝန်ထမ်းများအားလုံးနှင့် ညှိနှိုင်း ပူးပေါင်းဆောင်ရွက်ရန်။
• လိုအပ်ပါက စားသုံးသူများအား ဝန်ဆောင်မှုပေးခြင်းနှင့် အစားအစာများ ပို့ဆောင်ခြင်းကို ပြုလုပ်ရန်။

 အသင်းအဖွဲ့နှင့် ပူးပေါင်းဆောင်ရွက်ခြင်း

• စားဖိုဆောင်လုပ်ငန်းများ ချောမွေ့စွာဆောင်ရွက်နိုင်ရေးအတွက် ကဖေးအဖွဲ့ဝင်များနှင့် နီးကပ်စွာ ပူးပေါင်းဆောင်ရွက်လုပ်ကိုင်ပြီး ကဖေးခေါင်းဆောင်၏ လမ်းညွှန်မှုများအတိုင်း လိုက်နာဆောင်ရွက်ရန်။
• အဖွဲ့၏အစည်းအဝေးဆွေးနွေးမှုများတွင် တက်ကြွစွာပါဝင်ပြီး ကြုံတွေ့နေရသည့်အခက်အခဲများ၊ အဆင်မပြေမှုများ၊ အတားအဆီးများနှင့် စိုးရိမ်ပူပန်မှုများကို (ကဖေးခေါင်းဆောင် သို့မဟုတ် မန်နေဂျာ ထံ) တင်ပြဆွေးနွေးရန်။
• ဆိုင်မှပွဲများ၊ အထူးစားသောက်ပွဲအခန်းအနားများတွင် လိုအပ်ပါက အစားအသောက်များ ပြင်ဆင်ခြင်း နှင့် လိုအပ်သောကူညီပံ့ပိုးမှုများ ပေးရန်။
• နေ့စဉ်အသုံးပြုနေသော ပစ္စည်းများ၏ လက်ကျန်စာရင်းအပါအဝင် လိုအပ်သောကုန်ကြမ်းပစ္စည်းများ ၏ လက်ကျန်ကို အမြဲမပြတ် စောင့်ကြည့်ပြီး ပြန်လည်ဖြည့်တင်းရန်လိုအပ်ပါက ကဖေးခေါင်းဆောင် အား အကြောင်းကြားရန်။
• စားသောက်ကုန်စာရင်းပြုစုခြင်းနှင့် ဝယ်ယူထောက်ပံ့ခြင်းတို့တွင် ကဖေးခေါင်းဆောင်၊ စားဖိုမှူးတို့နှင့် အတူတကွ ညှိနှိုင်းဆောင်ရွက်ရန်။
• အလုပ်လိုအပ်ချက်အရ အလုပ်နှင့်ပတ်သက်သည့် အခြားတာဝန်များကို အကူအညီတောင်းလာပါက လုပ်ဆောင်ပေးရန်။

  လိုအပ်သော အရည်အချင်းများ

• မြန်မာ့ရိုးရာနှင့် တိုင်းရင်းသားအစားအစာများ ပြုလုပ်ပြင်ဆင်ခြင်းတွင် စိတ်ဝင်စားသော အခြေခံ ပညာအထက်တန်းတက်ရောက်ဖူးသူ (သို့မဟုတ်) အလယ်တန်းအဆင့် အောင်မြင်ပြီးသူများ လျှောက်ထားနိုင်ပါသည်။
• အစားအစာကျန်းမာရေးစံချိန်စံညွှန်းများနှင့်အညီ စားဖိုဆောင်လုပ်ငန်းစဉ်များကို ကောင်းစွာ နားလည်သိရှိသူ ဖြစ်ရမည်။
• လူမှုဆက်ဆံရေးအထူးကောင်းမွန်၍ တစ်ခုထက်ပိုသောလုပ်ငန်းဆောင်တာများကို (လိုအပ်လာပါက) တပြိုင်တည်းပြီးစီးအောင် လုပ်ဆောင်နိုင်ရမည်။
• ခင်မင်ဖော်ရွေသော၊ အလုပ်ချိန်တိကျမှန်ကန်သော၊ ယုံကြည်စိတ်ချရသော၊ ကူညီဖေးမသော အကျင့် စရိုက်များဖြင့် အဖွဲ့ဝင်ကောင်းတစ်ဦးပီသစွာ အလုပ်လုပ်ကိုင်နိုင်ရမည်။
• အချိန်ကြာမြင့်စွာ မတ်တပ်ရပ်အလုပ်လုပ်ကိုင်ခြင်း အပါအဝင် ကာယပိုင်းဆိုင်ရာအလုပ်များကို လုပ်ကိုင်နိုင်ရမည်။
• ကဖေး၏အချိန်ဇယား (ဗုဒ္ဓဟူးနေ့မှ တနင်္ဂနွေနေ့အထိ)အတိုင်း အလုပ်လုပ်ကိုင်နိုင်ရမည်။