ကျွန်ုပ်တို့ကုမ္ပဏီအကြောင်း

မိုးသစ္စာမြေ ကုမ္ပဏီလီမိတက် (Moe Thitsar Myay Co., Ltd.) သည် မြန်မာနိုင်ငံတစ်ဝန်းရှိ ပြည်သူများ အရည်အသွေးမြင့်မားသော ဆေးဝါးနှင့် ကျန်းမာရေးဆိုင်ရာ ထုတ်ကုန်များကို လွယ်လွယ်ကူကူ ရရှိနိုင်စေရန် ရည်ရွယ်၍ နိုင်ငံတကာမှ ဆေးဝါးများကို တင်သွင်းပြီး စနစ်တကျ ပြန်လည်ဖြန့်ချိပေးနေသည့် ယုံကြည်စိတ်ချရပြီး ရေရှည်တိုးတက်အောင်မြင်နေသော ဆေးဝါးတင်သွင်း/ဖြန့်ချိရေး ကုမ္ပဏီတစ်ခု ဖြစ်ပါသည်။
ကျွန်ုပ်တို့၏ အဓိကလုပ်ငန်းစဉ်များနှင့် အားသာချက်များ -

စျေးကွက်မြှင့်တင်ရေး (Marketing)
. တစ်နိုင်ငံလုံးရှိ ဆေးရုံ၊ ဆေးခန်း၊ ဆေးဆိုင်များနှင့် ကျန်းမာရေးပညာရှင်များထံသို့ ထိရောက်သော စျေးကွက်မြှင့်တင်ရေး ဗျူဟာများဖြင့် ဆောင်ရွက်ခြင်း။
. ဆေးဝါးကျင့်ဝတ်များနှင့်အညီ ကျွမ်းကျင်သော စျေးကွက်နှင့် အရောင်းအဖွဲ့များဖြင့် လုပ်ငန်းဖော်ဆောင်ခြင်း။

ဆေးဝါးတင်သွင်းခြင်း (Importation)
. အပြည်ပြည်ဆိုင်ရာ ကုန်စည်ပို့ဆောင်ရေး (Logistics & Shipping) လုပ်ငန်းများနှင့် ခိုင်မာသော မိတ်ဖက် ဆက်ဆံရေးရှိခြင်း။
. မြန်မာနိုင်ငံ၏ အကောက်ခွန် လုပ်ထုံးလုပ်နည်းများနှင့် ပတ်သက်၍ ကျွမ်းကျင်နှံ့စပ်ပြီး အတွေ့အကြုံရင့်ကျက်ခြင်း။

ဖြန့်ချိရေးစနစ် (Distribution)
. မြန်မာနိုင်ငံတစ်ဝန်းရှိ မြို့ကြီးပေါင်း (၂၅) မြို့တွင် ရုံးခွဲများနှင့် ကိုယ်စားလှယ်များ ထားရှိပြီး နိုင်ငံတကာ အခြေအနေအရ သွားလာရခက်ခဲသော ဒေသများမှလွဲ၍ တစ်နိုင်ငံလုံး၏ ၉၀% အထိ လွှမ်းခြုံ ဖြန့်ချိပေးနိုင်ခြင်း။
. ဆေးဝါးနှင့် ကုန်ပစ္စည်းများ၏ အရည်အသွေး မပျက်စီးစေရန် စနစ်တကျ ထိန်းချုပ်ထားသော သိုလှောင်ရုံနှင့် သယ်ယူပို့ဆောင်ရေး စနစ်ရှိခြင်း။

ဆေးဝါးနှင့် ကုန်ပစ္စည်းမှတ်ပုံတင်ခြင်း ဝန်ဆောင်မှု (Registration Consultancy)
. ကုမ္ပဏီအတွင်း၌ ဆေးဝါးမှတ်ပုံတင်ခြင်း လုပ်ငန်းစဉ်များကို ကျွမ်းကျင်စွာ စီမံခန့်ခွဲပေးနိုင်သည့် (Regulatory Affairs) အဖွဲ့ရှိပြီး ဆေးဝါးအသစ်များကိုလည်း စဉ်ဆက်မပြတ် မှတ်ပုံတင်လျက်ရှိခြင်း။
. ကုန်ပစ္စည်းမှတ်ပုံတင်ခြင်း၊ အရည်အသွေး ထိန်းသိမ်းခြင်းနှင့် ဆေးဝါးဘေးထွက်ဆိုးကျိုး စောင့်ကြည့်စစ်ဆေးခြင်း (Pharmacovigilance) လုပ်ငန်းများကို အစဉ်တစိုက် အလေးထား ဆောင်ရွက်ခြင်း။
. မြန်မာ့စျေးကွက်အတွင်းသို့ ဝင်ရောက်လိုသော ပါတနာများအတွက် OTC နှင့် POM ဆေးဝါးများ၊ စားသောက်ကုန်၊ ဖြည့်စွက်စာများ၊ ဆေးဘက်ဆိုင်ရာပစ္စည်းများနှင့် အလှကုန်ပစ္စည်းများကို စနစ်တကျ မှတ်ပုံတင်ပေးသည့် ဝန်ဆောင်မှုများ ပံ့ပိုးပေးခြင်း။