Inventory Accountant အဖြစ် တာဝန်ယူရမည့်သူသည် ကော်ဖီစေ့များ၊ အသုံးပြုသည့် ကုန်ကြမ်းများ၊ ထုပ်ပိုးပစ္စည်းများနှင့် အခြားရောင်းကုန်များ၏ စာရင်းကို အတိအကျ မှတ်တမ်းတင်ခြင်း၊ စစ်ဆေးခြင်းနှင့် စီမံခန့်ခွဲခြင်းတို့ကို လုပ်ဆောင်ရမည် ဖြစ်သည်။ ထို့အပြင် လုပ်ငန်းလည်ပတ်မှုအဖွဲ့၊ ငွေစာရင်းအဖွဲ့တို့နှင့် ပူးပေါင်း၍ ကုန်ကျစရိတ် မှန်ကန်စေရန်နှင့် ပစ္စည်းလေလွင့်မှု လျှော့ချနိုင်ရန် အဓိက တာဝန်ယူရမည် ဖြစ်သည်။

• ကုန်ပစ္စည်းစာရင်း မှတ်တမ်းတင်ခြင်းနှင့် စစ်ဆေးခြင်း - ကော်ဖီစေ့၊ ဆိုင်သုံး ပစ္စည်းများနှင့် ရောင်းကုန်များ၏ နေ့စဉ် ဝင်/ထွက် စာရင်းများကို မှတ်တမ်းတင်ရန်။ POS / ERP စနစ်များထဲမှ စာရင်းနှင့် လက်ရှိ ရှိနေသော လက်ကျန်ပစ္စည်းများကို  တိုက်ဆိုင်စစ်ဆေးရန်။
• ကုန်ကျစရိတ် စာရင်းတွက်ချက်ခြင်း (Cost Accounting) - ရောင်းကုန်များ၏ ကုန်ကျစရိတ် (COGS)၊ ကုန်ကြမ်း ကုန်ကျစရိတ်နှင့် လေလွင့်စရိတ်များကို တွက်ချက်ရန်။ သယ်ယူပို့ဆောင်စရိတ်၊ အခွန်စရိတ်များနှင့် ပေးသွင်းသူများထံမှ ကုန်ကျစရိတ်များကို မှန်ကန်စွာ စာရင်းသွင်းရန်။
• စာရင်း ကွာခြားချက်များကို စုံစမ်းစစ်ဆေးခြင်း - ပစ္စည်း ပျောက်ဆုံးမှု၊ ပျက်စီးမှု သို့မဟုတ် လေလွင့်မှုများကို စုံစမ်းစစ်ဆေးပြီး လိုအပ်သော ပြင်ဆင်မှုများ လုပ်ဆောင်ရန်။
• လုပ်ငန်းစဉ်များ တိုးတက်ကောင်းမွန်အောင် ဆောင်ရွက်ခြင်း - ဆိုင်ခွဲမန်နေဂျာများ၊ ဂိုဒေါင်ဝန်ထမ်းများနှင့် ပူးပေါင်း၍ ပစ္စည်းလက်ခံခြင်း၊ သိုလှောင်ခြင်းနှင့် စာရင်းစစ်ခြင်း လုပ်ငန်းစဉ်များကို စနစ်တကျ ရှိစေရန်။
• လစဉ် ကုန်ပစ္စည်းတန်ဖိုး စာရင်းများ၊ ပစ္စည်းလည်ပတ်မှုနှုန်း အစီရင်ခံစာများ ရေးဆွဲရန်

• ပညာအရည်အချင်း - ဘွဲ့ရရှိထားသူ ဖြစ်ရမည်။ (B.Com သို့မဟုတ် LCCI Level 3 အောင်မြင်ထားသူများကို ဦးစားပေးမည်)။
• လုပ်သက် - ကုန်ပစ္စည်းစာရင်းဆိုင်ရာ စာရင်းကိုင် (Inventory Accounting) သို့မဟုတ် ကုန်ကျစရိတ် စာရင်းကိုင် (Cost Accounting) အတွေ့အကြုံ အနည်းဆုံး (၂) နှစ် ရှိရမည်။ (F&B၊ ဟိုတယ်/စားသောက်ဆိုင် သို့မဟုတ် လက်လီလုပ်ငန်း အတွေ့အကြုံရှိသူများကို ဦးစားပေးမည်)။
• နည်းပညာကျွမ်းကျင်မှု - Microsoft Excel / Google Sheets (VLOOKUP, Pivot Tables) အသုံးပြုနိုင်ရမည်။
• တိကျသေချာမှု - ကိန်းဂဏန်းများ၊ စာရင်းတိုက်ဆိုင်စစ်ဆေးမှုများနှင့် မှတ်တမ်းများအပေါ် တိကျစွာ လုပ်ဆောင်နိုင်သူ ဖြစ်ရမည်။